அழைப்பிதழ் : உலகத் தமிழ் முன்னூக்கி
எம் இனிய தமிழ்மக்களுக்கு,
http://groups.google.com/group/Global-Tamil-Startups
தமிழ் இணையப் பயிலரங்கில்..
தமிழ்வணிகம்.காம் நடத்தி வரும் செல்வமுரளியிடம் இருந்து ஓர் அழைப்பு வந்தது. நாகர்கோயிலில் நடக்கும் தமிழ் இணைய பயிலரங்கிற்கு நானும் கலந்து கொள்ளுமாறு அழைத்திருந்தார். நெடுநாட்களாய் திரு மு.இளங்கோவன் அவர்களின் பதிவகள் பற்றியும், பயிலரங்கம் பற்றியும் படித்திருந்த காரணத்தினால் அவரையும் அவரது உரையையும் காண பெரும் ஆவல் முற்றியது.
.JPG) | .JPG) |
 |  |
அத்துடன் இணைந்தே 18 வருடங்களுக்கு முன் அய்ந்தாம் வகுப்பு படிக்கும் போது பயணமான கன்னியாகுமரி பயணத்தின் நினைவுகளை மறுபடியும் நினைவில் கொண்டு வந்த ஆவலால் இவ்வாய்ப்பைப் பயன்படுத்தி சென்று வந்து விடுவோம் எனத் தோன்றியது. அத்துடன் கடந்த எட்டரை ஆண்டுகளாக குமரி முனையில் வீற்றிருக்கும் வள்ளுவனைக் காணும் ஆவலும் காரணமாயிருந்தது. பயணத்திற்கு ஏற்ற வகையில் பயணச்சீட்டை பேருந்தில் முன்பதிவு செய்துவிட்டு காத்திருந்தேன்.சேலத்திருந்து கிளம்பும் முரளியும், நானும் ஒன்றாகவே பயணம் செய்ய ஆயத்தமாகயிருந்தாலும் பயணநேரத்தினை கருத்தில் கொண்டு சரியான நேரத்திற்கு நாகர்கோயிலை அடையும் வகையில் மாலை 4 மணிக்கு பேருந்தில் முன்பதிவு செய்தேன்.
வெள்ளி மாலை 1 மணிநேரத்திற்கு முன்பாகவே அலுவலகத்தில் இருந்து கிளம்பி மாலை 4 மணிக்கு சாந்திநகர் பேருந்து நிலையம் வந்து பேருந்தில் அமர்ந்தேன். அரசு விரைவுப் பேருந்து, ஹவேஸ் ரைடர் என பிரம்மாண்டமாய் பெயர்களை வைத்திருந்தாலும் பேருந்தை வழக்கம்போல் உருட்டிக்கொண்டே தான் சென்றார். இரவு 9 மணிக்கு சேலம வந்தடைந்தபோது இன்னும் அரைமணி நேரத்தில் கேபிஎன்னில் இருந்து கிளம்புவதாக முரளி அறிவித்தார். மறுநாள் காலை 7 மணிக்கு திருநெல்வேலி அடைந்த போது முரளி நாகர்கோயிலை அடைந்தாகச் சொன்னார்.
ஆகா, நமக்குப் பின் கிளம்பிய முரளி நமக்கு முன்னரே நாகர் கோயிலை அடைந்து விட்டார். விரைவுப் பேருந்தின் வீரம் என்னவென்று புரிந்தது. காலை 8 30 க்கு நாகர்கோயிலை அடைந்தவுடன் தானியுந்தின் உதவியுடன் பயனீயர் குமாராசாமி விடுதிக்குச் சென்றடைந்தேன். முனைவர் இளங்கோவன், கடல்சார் ஆராய்ச்சிப் பணிகளில் ஈடுபட்டுக் கொண்டிருக்கும் ஒரிசா பாலு, செந்தீ நடராஜன் அறையில் அமர்ந்திருந்தனர். அறிமுகப்படலங்களுக்குப் பின் என்னைப் ஆயத்தப்படுத்திக் கொண்டு கிளம்பி காலை உணவு முடித்துக் கொண்டு, பயிலரங்கம் நடைபெறுவதாக இருந்த மார்னிங் ஸ்டார் பல்தொழில்நுட்பக் கல்லூரியை அடைந்தோம்.
மாணவர்கள், பெண்கள், ஆசிரியைகள், உள்ளூர்காரர்கள் எனக் கூடியிருந்தனர். பயிலரங்கத்திற்கு தேவையான கருவிகளை தயார்படுத்திவிட்டு பயிலரங்கத்தை ஆரம்பமானது. தாளாளரின் உரை, குத்து விளக்கேற்றம் போன்ற பணிகளுக்குப் பின் முனைவர் மு.இளங்கோவனின் உரையும், பயிற்சியும் ஆரம்பமானது. தமிழ், இணையம் தொடர்பான எண்ணற்ற கருத்துகளுடன் ஆரம்பித்தவர் தமிழ் 99 தட்டச்சு செய்வது எப்படி என்ப்தை தெளிவாக, சிறப்பான விளக்கத்துடன் எளிதாக புரியும் வகையில் விளக்கினார். தமிழ் 99 தட்டச்சு வடிவமைப்பு போன்றவை எளிதில் புரிவதற்காக தட்டச்சு வடிவமைப்பின் அச்சுப்பிரதி அனைவருக்கும் வழங்கப்பட்டது. தமிழ் தட்டச்சு கற்றவுடன் அவற்றை செயல்படுத்த தட்டச்சு மென்பொருள்களை உள்ளீடு செய்வது எப்படி என்பதையும் விளக்கப்பட்டது. அடுத்தபடியாக தமிழ் கொண்டு இணையத்தில் மடல்களை தமிழில் அனுப்புவது எப்படி, ஜீமெயில் போன்ற உரையாடல்தளங்களின் மூலம் உரையாடுவது எப்படி என்பதையும் செயல்முறை விளக்கம் கொடுக்கப்பட்டது.
பயிலரங்கத்தின் அடுத்தபடியாக ஒரிசா பாலு அவர்கள் விக்கி மேப்பியா பற்றிய விளக்கம் அளித்தார். விக்கிமேப்பியாவுடன் தமிழ், வரலாறு, கடல்நிலைகள் என பல்வேறு தலைப்புக்களில் பயணித்தார். அதன்பின் ஜீமெயில் கணக்கு உருவாக்கம், பிளாக் உருவாக்கம் பற்றியும் செல்வமுரளியும், நானும் செயல்முறை விளக்கம் அளித்தோம். பயிலரங்க இடைவேளையில் அனைவரின் அறிமுகப்படலங்கள் நடந்தது. கலந்து கொண்டவர்கள் பெரும்பாலோனோர் தமிழார்வம் கொண்டவர்களாய் இருந்ததில் பெருமகிழ்ச்சியாயிருந்தது. மேலும் எழுத்து, அச்சகம், எழுத்தாளர் துறைகளில் இருந்ததும் சிறப்பாய் இருந்தது. அமுதம் இதழின் ஆசிரியரின் பிரிட்டோ அவர்களின் தமிழ் ஊடக பணியும் சிறப்பாய் அமைந்திருந்தது. இணையம் பற்றிய அறிமுகமாயிருந்தாலும் தமிழ் பயன்பாடு பற்றிய அறிமுகங்கள் உற்சாகம் கொடுத்ததாக பெரும்பாலோனோர் மகிழ்ச்சியும், மேலும் கற்றுக் கொள்ள ஆர்வமுமாயிருந்தனர். அத்துடன் எங்களுக்கான பயிலரங்க நிகழ்வை முடித்தோம்.
பயிலரங்கம் முடித்து விட்டு அறைக்கு வந்தோம். செல்வமுரளி சேலம் செல்ல ஆயத்தமாகியிருந்தார். மாலையில் ஒரிசா பாலு மற்றும் இளங்கோவன் அவர்களுடன் தமிழ் தொடர்பான கருத்துரையாடினேன். ஒரிசா பாலு அவர்கள் கடல் ஆராய்ச்சி, கல்வெட்டு ஆராய்ச்சி போன்ற தனது அனுபவங்களையும், தமிழ் தொடர்பான தமது பல்வேறு பணிகளையும் எடுத்துரைத்தார். இளங்கோவன் அவர்கள் தமது பயிலரங்க அனுபவங்களை பகிர்ந்து கொண்டார். அன்றிரவு அவரது வலைத்தளத்தை வடிவமைக்கும் பணியை மேற்கொண்டேன். வலைத்தள வடிவமைப்பு தான் எதிர்பார்த்தது போல் சிறப்பாக அமைந்து விட்டதாக பாராட்டினார். வலைத்தள வடிவமைப்புடன் பல்வேறான கருத்துக்களையும் பகிர்ந்து கொண்டு பின் மணி இரண்டு வாக்கில் தூங்கிப் போனோம்.
மறுநாள் காலை 9 மணிக்கு நாகர்கோவிலில் இருந்து கிளம்பி கன்னியாகுமரி சென்றேன். விவேகானந்தர் பாறை சென்று பின் வள்ளுவர் சிலை சென்று அய்யனின் காலடி தடவி விட்டு திரும்பினேன். அங்கே சில நிழற்படங்களும் எடுக்கத் தவறவில்லை. ஒருவர் கையை ஒருவராக பற்றிக் கொண்டு விவேகானந்தர் பாறையில் பள்ளிச் பதினைந்து வருடங்களுக்கு முன் சிறுவர்களுடன் நடந்த நினைவுகள் வந்து திரும்பின. காந்தியின் நினைவிடம் சென்று பார்த்தேன். நீளமாய் நீலமாக பரந்து விரிந்து காட்சியளிக்கும் கடலினை முதலில் கண்டதும் இதே கன்னியாகுமரியில் தான். அந்த நினைவுகளும் நினைவில் வந்து சென்றன. இந்தப் பதினைந்து வருடங்களில் எத்தனையோ மாற்றங்களை என்னில் கொண்டிருந்தாலும் அந்தப் பசுமையான நினைவுகள் மனதை விட்டு பயணிக்க மனமின்றி கன்னியாகுமரியை விட்டு நான் பயணித்த பேருந்து பயணித்தது.
Read more...
சிறந்த தமிழ் வலைப்பூக்கள் ( Best Tamil Blogs )
உங்களின் பெயரை இதில் இணைப்பதற்கு கீழ்க்கண்ட விபரங்களை anbudannilavan@gmail.com என்னும் இணைய முகவரிக்கு அனுப்பவும்.
தகுதிகள்:
உங்களின் வலைத்தளம் ஆறு மாத அகவையை அடைந்திருக்க வேண்டும்
குறந்தது 50 பதிவுகள் இடப்பட்டிருக்க வேண்டும்
பெயர்
வகைகள்
மொத்த பதிவுகள்
வலைப்பூ ஆரம்பித்தது: ( மாதம்/ஆண்டு)
வலைத்தள முகவரி:
சந்தாதாரர்கள்:
பதிவு பார்த்தது/மாதம்:தனிநபர் அனுபவங்கள், பயணங்கள் நிலவன், மகா, தமயந்தி அரசியல் மு.இளங்கோவன் சமுதாயம் நர்மதா, கார்க்கி, சாக்ரட்ஸ், ஸ்டாலின், டிசே, செல்வநாயகி,செங்கதிர், லைட்லிங்க், வினவு, கலையரசன், அற்புதன், கோபா, இரும்பு, ஸ்பார்ட் கஸ், ஆசாத், இலக்கியம் புத்தகப் பிரியன் கவிதைகள் கோகுலன்,ஒளியவன், வினோத், நிலாபெண், நவீன் ப்ரகாஷ், நளாயினி சிறுகதைகள் ஒளியவன், வினையூக்கி நகைச்சுவை, சினிமா, கதை, கவிதை, கட்டுரை, இலக்கியம், அனுபவங்கள், அரசியல், சமூகம் சிறீதர், திவ்யா, சிவா, பொடியன், தமிழ்மாங்கனி, சந்தனமுல்லை, ஸ்வேதா, சதீஷ், கார்த்திக் நாரயன், செல்லா, கார்த்திகேயன், ஜெயந்தி, கோ.இராகவன் குசும்பு குசும்பன் தமிழ் கை.அறிவழகன்,தமிழ்ஓவியா தலைவர்கள் கானா பானா(லெனின்) எழுத்தாளர்கள், கவிஞர்கள், பேராசிரியர்கள் நெல்லை கண்ணன், பாமரன், மதிமாறன், சுபவீ, இன்குலாப், மேத்தா, அறிவுமதி, கவிக்கோ, எஸ்.ராமகிருஷ்ணன், ஜெயமோகன், ஞாநி,கல்பனா சேக்கிழார்,மு.இளங்கோவன்
வாழ்க தமிழுடன்,
நிலவன்.
எழுத்துரு பிரச்சனையா ? (Font Problem)
Hello Friends,
If you find any problem in viewing this unicode tamil font, Please make sure that you have installed East Asian Languages.
To Install
1. Goto Start >> Settings >> Control Panel
2. Open Regional and Language Options
3. Click Language tab
4. Select Install files for East Asian Languages
5. Click OK when winodw prompts for window message. 
6. You may required to place your Operating System CD-ROM in the drive for accessing files for East Asian Languages support.
7. click Ok once everything completed.
Please write me if you need any help further.
Natpudan,
Nilavan
ஆட்சென்ஸ் என்றால என்ன? (Adsense)
கூகிள் நிறுவனத்தின் பெரும்பான்மையான வருமானம் மற்ற வலைத்தளங்களின் உரிமையாளர்கள் கூகிள்.காம் என்னும் இணைய தளத்தின் தேடுபகுதிகளில் விளம்பரங்களை வெளியிடுவதால் கிடைக்கிறது. இந்த அனைத்து புரோகிராம்களும் ஆட்வேர்ட்ஸ் என்னும் மென்பொருளால் மேலாண்மை செய்யப்படுகிறது. அந்த வருமானத்திலிருந்து ஒரு பகுதியாக நீங்களும் சம்பாதிக்கலாம்
கூகிளுக்கு வரும் வலைத் தள விளம்பரங்களை நீங்கள் உங்களுடைய இணைய தளத்தில் வெளியிடுவதால் கை நிறைய சம்பாதிக்க முடியும். அதாவது விளம்பரங்களை உங்கள் வலைத்தளத்தில் வெளியிட்டு கூகிளுக்கு வருமானத்தைக் கொடுக்கிறீர்கள், அதற்கு உபகாரமாய் கூகிள் நிறுவனம் உங்களுக்கு ஒரு தொகையை ஒதுக்கி கொடுக்கிறார்கள். இம்மாதிரியான அமைப்பிற்கு பெயர் தான் கூகிள் ஆட்சென்ஸ். ஒவ்வொரு வலைத்தள உரிமையாளரும் இதில் பங்கேற்கலாம்
உங்களுடைய வலைத்தளம் பெரும் தகவல்களைக் கொண்டிருந்தாலோ, அல்லது தினமும் பெரும்பாலோனோர் வந்து பார்வை செய்யும் வலைத்தளமாகவோ இருந்தாலோ உங்களால் கை நிறைய சம்பாதிக்க முடியும் அல்லது வலைத்தளத்துக்கும் ஆகும் செலவை ஈடுகட்ட முடியும்.
ஆக உங்களுடைய வலைத்தளத்திற்கு செலவை ஈடுகட்ட பணம் சம்பாதிக்கவும், அல்லது அதற்கு அதிகமாக சம்பாதிக்கவும் விருப்பம் உள்ளவர்களுக்கு இது ஒரு மிகச்சிறந்த ஊடகம் என்றே சொல்லலாம். ஒரு மாதத்திற்கு குறைந்த அளவு 500 ரூபாய் சம்பாதிக்க முடியுமென்றால் அதுவே உங்களுடைய வருடா சந்தாக்களுக்கு ஈடானதாய் அமையும். கூடுதலாக வருமானம் வந்தால் நல்லதே என்னும் எண்ணமும் உங்களிடையே இருக்கும், அந்த எண்ணங்களுக்கு இது சரியான வாய்ப்பாகவே அமையும்.
இத்திட்டம் உலக மக்களிடையே மிகப் பிரபலம் அடைந்திருக்கிறது. ஒவ்வொருவரும் இதில் விளம்பரங்களை பிரசுரம் செய்து, அதன் மூலம் சம்பாதிப்பதற்காகவே வலைத்தளங்களை உருவாக்குகிறார்கள். அதே போல, இது எளிதில் கிடைக்கக் கூடிய வருமானம் அல்ல என்பதையும் நீங்கள் புரிந்து கொள்ள வேண்டியது அவசியம். சொந்தமாக வலைத்தளம் உருவாக்கி அதை பலரும் வந்து பார்வை செய்யச் செய்யும் வித்தைகளை நீங்கள் கற்றிருக்கவும் வேண்டும். உங்களுடைய வலைத்தளம் தனித்தன்மையுடன் உள்ள கருத்துகளைய உடையதாய் இருக்க வேண்டும்.
நீங்கள் எதுவுமே செய்யாமல் உங்களுக்கு வருமானம் வராது என்பதை உங்களுக்கு உறுதிபட கூறிக்கொள்வதை கடமைப் பட்டிருக்கிறேன். கஷ்டப்படாமல் எதுவும் கிடைக்காது என்பது நாம் அறிந்ததே. இருந்தபோதிலும் இணைய தளத்தின் மூலமாக பெருமளவு பணம் சம்பாதிக்க ஆட்சென்ஸ் தான் சிறந்த வழி. --
ஆட்சென்ஸ் மூலம் எவ்வாறு பணம் சம்பாதிக்கலாம் என்பதை அடுத்த பகுதியில் அறிவோம்.
தமிழில் எழுதுவது எப்படி?
ஈ-கலப்பை என்னும் மென்பொருள் கொண்டு தமிழில் எழுதுவது எப்படி என்பதை காண்போம். இந்த மென்பொருளை எண்ணற்ற இணைய தளங்களில் இருந்து பதிவிறக்கம் செய்து கொள்ளலாம். அதைக் கண்டுபிடிக்க கூகிள் சென்று Download e kalappai என கொடுத்து தேடிக் கொள்ளலாம். 
அல்லது இந்த முகவரி கொடுத்து தமிழா.காம் இணைய பக்கத்திற்கு செல்லுங்கள். http://thamizha.com/modules/mydownloads/index.php
e kalappai anjal என்னும் லிங்கில் சொடுக்கவும். 
File ஐ சேமித்து வைக்க SAVE ஐ சொடுக்கவும், அல்லது நேரடியாக Install செய்ய Open ஐ சொடுக்கவும். 
நீங்கள் SAVE ஐ சொடுக்கி இருந்தால் எங்கு சேமிக்க வேண்டுமோ அந்த இடத்தை காட்டவும். 
அந்த FILE இருக்கும் இடம் சென்று FILE ஐ Open செய்ய உங்களுக்கு கீழ்கண்ட படம் கிடைக்கும். 
RUN ஐ சொடுக்கவும்.
Install ஐ சொடுக்கவும்
Next ஐ சொடுக்கவும்
I Accept this license ஐ தேர்வு செய்து, பின் Next ஐ சொடுக்கவும்.
Next ஐ சொடுக்கவும்
Next ஐ சொடுக்கவும்
Close ஐ சொடுக்கவும். 
Finish ஐ சொடுக்கவும். 
உங்களது Task Bar-ல் கீழே கொடுக்கப்பட்ட படத்தில் உள்ள Icon தோன்றும். அந்த் Icon-ல் மௌஸின் இடது பட்டனை அழுத்தி UNICODE TAMIL என்பதை தேர்வு செய்யவும். Task Bar -ல் உள்ள Icon 'அ' என மாறுவதைக் காணலாம். 
பின் உங்களது வசதிக்கேற்ப கூகிள் சாட்டில், Wordpad, MS word, பிளாக் பக்கங்கள் என ஏறக்குறைய எல்லாவற்றிலும் தமிழில் எழுத்துக்களை வரவேற்கலாம்.
உதாரண்மாக ஆங்கிலத்தில் ammaa என அடிக்க 'அம்மா' என தோன்றும்.
w அடிக்க 'ந்' தோன்றும்.
q அடிக்க ஃ தோன்றும்.
மேலும் சில உதாரணங்கள்.
vaazkkai - வாழ்க்கை
lattu - லட்டு
kaLLan - கள்ளன்
eqku - எஃகு
wURu - நூறு
sIraaga - சீராக
இந்த கட்டுரைகள் உங்களுக்கு பயனுள்ளதாய் இருக்கும் என நம்புகிறோம். மேலும் விபரங்கள் மற்றும் சந்தேகங்களுக்கு nilavantimes@gmail.com என்னும் முகவரிக்கு தகவல் அனுப்பவும்.
பிளாக் உருவாக்குவது எப்படி ?
பிளாக் உருவாக்குவதற்கு தேவையான வழிமுறைகள் கொடுக்கப்பட்டுள்ளன. அதை பின்பற்றி உங்களுக்கான வலைப்பூவை உருவாக்கிக் கொள்ளுங்கள்.
1. முதலாவதாக வலைப்பூ சேவைதரும் இணைய தளத்திற்கு செல்ல வேண்டும். இங்கே கொடுக்கப்பட்டுள்ள குறிப்புகள் யாவும் பிளாக்ஸ்பாட்டை அடிப்படையாக கொண்டது. ஆதலால் http://www.blogger.com/ என்னும் தளத்திற்கு செல்லுங்கள். கீழ்கண்ட பக்கத்தை காணலாம்.
2. உங்களுக்கு கூகிள் பயன்பாட்டாளர் பெயர் இருப்பின் கடவுச்சொல்லை இட்டு உள்ளே செல்லலாம். பயன்பாட்டாளர் பெயர் இல்லாதிருப்பின் உங்களுக்கு உருவாக்க வேண்டும். மேலே உள்ள படத்தில் கட்டமிடப்பட்ட CREATE YOUR BLOG சொடுக்கவும்.
3. ஏற்கனவே பயன்பாட்டாளர் பெயர் இருப்பின் sign in first சொடுக்கி login செய்யவும். கூகிள் பயன்பாட்டாளர் பெயர் இல்லாதிருப்பவர்கள் மேலே கேட்கப்பட்டுள்ள விவரங்களை கொடுத்து உருவாக்கிக் கொள்ளவும்.
4. ஏற்கனவே வைத்திருப்பவர்கள் sign in first சொடுக்கி பயன்பாட்டாளர் பெயர் மற்றும் கடவுச்சொல்லை இட்டு sign in செய்யவும்.
5. அடுத்ததாக பிளாக்கின் பெயரை தேர்ந்தெடுக்க வேண்டும். பிளாக்கின் பெயர் ஒவ்வொன்றும் தனிச்சிறப்பானதாக அமைவது அவசியம். அதாவது பிளாக்கின் பெயர் UNIQUE ஆக இருக்க வேண்டும். நீங்கள் தேர்வு செய்யும் பெயர் இருக்கிறதா என பரிசோதிக்க வேண்டும். BLOG address ஐ கொடுத்து Check Availablity ஐ சொடுக்கும் போது நீங்கள் கொடுக்கும் பிளாக் முகவரி இருந்தால் The blog address is available என்னும் சொல்லைக் காணலாம். நீங்கள் விரும்பும் தலைப்பை இல்லையெனில் வார்த்தைகளை மாற்றி அமைத்தோ அல்லது -, . போன்றவற்றை பயன்படுத்தியோ பிளாக் முகவரியை நிறுவலாம்.
6. அடுத்தாக பிளாக் டெம்ப்ளேட்டை தேர்வு செய்ய வேண்டும். வித்தியாசமான வடிவங்களில், வண்ணங்களில் அமைந்துள்ள டெம்ப்ளேட்டுகளை உங்களின் ரசனைக்கேற்ப தேர்வு செய்து CONTINUE ஐ சொடுக்குங்கள். 
7. உங்களுக்கு Your blog has been created! என்னும் சொல் வரும். அடுத்ததாக START BLOGGING என்னும் பட்டனை சொடுக்கி பதிவுகளை இடும் பக்கத்திற்குச் செல்லலாம்.கீழே கொடுக்கபபட்டுள்ள பக்கங்களில் நீங்கள் பதிவிடுவதற்கான கருவிகள் உள்ளன. எழுத்துகளை வடிவமைக்க Font, Bold, Color, Italic, Text alignments left, right, center, justify, Spelling Check, Eraser, Language tool, Bullets, Numbering போன்ற கருவிகளைக் கொண்டு சிறப்பாக வடிவமைக்கலாம்.
Post பாகத்தின் மேல் பக்கத்தில் Edit Html மற்றும் Compose என்னும் இரண்டு வகைகள் உள்ளன. இதில் Edit HTML முறையில் உங்களால் html coding கொண்டு பதிவுகளை வடிவமைக்க முடியும். Compose முறையில் உங்களால் நேரடியாக போஸ்ட் கருவி கொண்டு வடிவமைக்க முடியும்.
8. தேவையான விஷயங்களை போஸ்ட் பக்கத்தின் மூலப்பகுதியில் வடிவமைத்த பின் PUBLISH POST என்னும் பட்டனை சொடுக்க நீங்கள் வடிவமைத்த பக்கங்கள் இணையத்தில் அச்சிடப்படும். உங்களின் பிளாக் முகவரி கொண்டு அதைக் காணலாம்.
9. PUBLIC POST சொடுக்கிய பின் மேலே கண்ட தகவலைக் காணலாம். View Blog சொடுக்கியும் பிளாக்கை காணலாம். உங்களுடைய பிளாக் கீழ்கண்டவற்றைப் போன்று காணப்படும்.
10. உங்களுடை பிளாக் பக்கத்தின் வடது மூலையில் New Post, Customize ஐ சொடுக்கியும் உங்களால் வடிவமைக்கும் பகுதிக்குச் செல்ல முடியும்.
Read more...
தமிழ் இணையப் பயிலரங்கம் - நாகர்கோவில்
தமிழ் இணையத்தை அறிமுகப்படுத்தும் நோக்கில் குமரிமுனையில் தமிழ் இணையப் பயிலரங்கம் ஒன்றை நடத்த அமெரிக்காவில் உள்ள தமிழ் மணம் இணையத்தள நிறுவனமும், கலிங்கத்தமிழ் ஆய்வு நிறுவனமும்,மானிங் ஸ்டார் பாலிடெக்னிக் கல்லூரியும் இணைந்து திட்டமிட்டுள்ளன.இந்த நிறுவனங்களுடன் இணைந்து அமிர்தா ஊடக ஆய்வுமையமும், அமுதம் மாத இதழும் நிகழ்ச்சிக்கான ஏற்பாடுகளைச் செய்துவருகின்றன.
சுங்கான்கடை,நாகர்கோயில்(கன்னியாகுமரி மாவட்டம்)
நாள் : 20.06.2009 காரி(சனி)க்கிழமை
நேரம் : காலை 9.00 முதல் மாலை 5.00 மணிவரை
பயிலரங்கில் தமிழ்த்தட்டச்சு,மின்னஞ்சல்,வலைப்பூ உருவாக்கம்,புகழ்பெற்ற இணையத்தளங்கள் குறித்து காட்சி விளக்கத்துடன் செய்திகள் பேசப்படும்.மின்னிதழ்கள், நூலகங்கள், விக்கிபீடியா, விக்கி மேப்பியா பற்றியும் எடுத்துரைக்கப்படும்.புதுச்சேரி முனைவர் மு.இளங்கோவன்,சேலம் செல்வமுரளி,ஒரிசா பாலு ஆகியோர் பயற்சியளிக்க உள்ளனர்.பயிலரங்கில் கலந்துகொள்ள உரூவா 100 பதிவுக் கட்டணமாகச் செலுத்த வேண்டும்.பகலுணவு உண்டு.
தொடர்புக்கு
9994352587
9790307202
9789575900
வணக்கம் : ஈர்த்ததில்
தமிழன்பர்களுக்கு எனது இனிய வணக்கங்கள்,
விஜயலட்சுமணன் என்னும் இயற்பெயர் கொண்ட நான் நிலவன் என்னும் புனைப்பெயரில் இவ்வலைப்பூவினை எழுதத் தொடங்குகிறேன். நாம் கடந்து செல்லும் வாழ்க்கையிலும், பயணங்களிலும், ஏனைய நிகழ்வுகளிலும், புத்தகங்களிலும் எங்கேயோ எவையோ நம் மனதை ஈர்த்துவிட்டுச் செல்லும். அம்மாதிரியானவற்றை இங்கே அலங்கரிப்பது தான் இவ்வலைப்பூவின் நோக்கம்.
எனது எண்ணங்கள், பார்வைகள் போல ஈர்த்ததில் எனும் சொல் எனக்கு ஈர்த்தவைகள் அல்லது என்னால் ஈர்க்கப்பட்டவைகள் எனும் பொருள் கூறுவதால் இப்பெயரினை இட்டுள்ளேன். நான் சேகரித்து செதுக்கும் விடயங்கள் யாவும் உங்களையும் ஈர்க்கும் என்றே நம்புகிறேன்..
எனது கருத்துக்கள் உங்களின் கருத்துக்களுக்கு முரண்படுமாயின் அதை இங்கே மறுமொழியிடுங்கள், விவாதிக்கலாம். அடுத்தபடியாக இயன்ற வரை இனிய தமிழில் எழுத வேண்டும் என்பது திடமான எண்ணம். எனது எழுத்துக்களில் கலக்கும் பிறமொழி எழுத்துக்களை சுட்டிக்காட்டவும். கணிப்பொறியில் தட்டச்சு செய்வதனால் ஏற்படும் பிழைகளையும் சுட்டிக் காட்டவும்.
அவ்வப்போது கடித முறையில் உங்களைச் சந்திக்கிறேன்..
வாழ்க தமிழுடன்,
நிலவன்.
